بسم الله الرحمن الرحيم
*** ذي هالنصايح تنفع هالايام ** صراحه خططططيره
خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ....
الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...
ثم تقوله شيل الكتب .. ومرة ثانية فتح عيونك يابن الكلب ..
ـــــــــــــــــــــــــــــ
خطأ : تفتح الإشارة .. ثم اللي وراك يعلق لك البوري .... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...
الصحيح : تنزل له بمفتاح العجل .. أو بالعصا .... وتطق الدريشه عليه .... وأول مايفتحها ... جرّه مع شعره ... واجلده الين يقول العيد بكره ... ثم قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..
ـــــــــــــــــــــــــــــ
خطأ: تروح الدوام متأخر ... يقابلك مديرك ويقول بدري؟؟ اطلع برا يامهمل ... اليوم محسوب غياب .. او شفلك اداره ثانيه ... ويعطيك ظهره ويخليك .. ثم تروح وانت متضايق
الصحيح : انك تمسكه من شماغه ( او كرفتته لاصار اجنبي ) وبعدين تلفها على رقبته وتقعد تسحّب فيه بالأسياب
ثم تشوف اقرب كاسة شاهي من النوع الكبير اللي لأحد اخوياك بالمكتب وتفجر فيها راسه ..
ثم .. قبل لاتطلع تقوله لاصارت شركة ابوك اطردني
ـــــــــــــــــــــــــــــ
خطأ: جالسين أنت ومجموعة من الشباب ... وعندكم علب بيبسي .... وطلعت تبي تغسل ... فيقوم صديقك ويرج العلبه .... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..
الصحيح : تمسكه ... مع رجليه ... وتمسح فيه الارض ... وتجيب علبة ببسي .. وترجه رجا مبرحا ... ثم تفتحه بوجهه ثم .. تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين ..
ـــــــــــــــــــــــــــــ
خطأ: راكب سيارتك مستعجل ... وكل اشارة توقف عندها ... حتى الاشارات اللي مافيها أحد
الصحيح : حتى لو انت مو مستعجل ... اقطع الاشارة ... الاشارة حطوها لليموزينات و اللي مايعرفون يسوقون واللي يفحطون حالها حال المطبات يعني
ـــــــــــــــــــــــــــــ
خطأ: متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟
الصحيح : صكه بالصينية ... ولحقه بفجان والا طفاية الدخان ... وخذ منه الريموت .. بدون ماتكلمه ... وحط فيلمك .... وتابعه بصدر رحب ...
>> انتبهو تعملوها ...انا مالي شغل هع هع
تحياتي لكم
الخميس سبتمبر 17, 2009 12:30 pm
